ನಿನ್ನ ಪ್ರೀತಿಯ ವಿಷದ ಗಿಡ

ನೀ ಬಿಟ್ಟ ಮೇಲೆ ನನ್ನ ಮನದ ಮರುಭೂಮಿಯಲಿ
ಪ್ರೀತಿಯ ಬರಸಿಡಿಲು ಬಡಿದು ಸುಟ್ಟ ಮರದೆದುರು ಕುಳಿತಿದ್ದೇನೆ
ಅಲ್ಲೋ ಇಲ್ಲೋ ಒಂದಿಷ್ಟು ಉಸಿರು ಉಳಿದಿರಬಹುದು
ಜೊತೆಗೊಂದಷ್ಟು ಬರವಸೆಯ ಹಸಿರ ಹಸಿ ಒಳಗಿರಬಹುದು
ಪ್ರಿತಿಯೊಂದರ ಮೊಟ್ಟೆ ತಪ್ಪಿ ಉಳಿದಿರಬಹುದು
ಅರೆಪಕ್ಕದ ಪ್ರೇಮದ ಗೂಡಿಗಾಗಿ ಹುಡುಕುತಿರಬಹುದು!

ಗಾಡ ಸರಿರಾತ್ರಿಯ ಕತ್ತಲೆಯ ನಡುವಲ್ಲಿ ಬೆಚ್ಚಗೆ ಮಲಗಿಹೆನು ನಾನು
ನಿದಿರೆಯು ಏಕೋ ಬಾರದು ನನಗಿನ್ನೂ ಮನದಲ್ಲಿ ಕೂತು ನೀ ಕಾಡುತ್ತಿರುವೆ?
ಕಣ್ಣ ಮುಚ್ಚಿದರೆ ನಿನ್ನ ಕಳೆದ ನೆನಪುಗಳಿಂದು ಕೊಚ್ಚಿ ಕೊಲ್ಲುತ್ತಿವೆ
ಹೇ ನಲುಮೆಯೇ ಏಕೆ ನನ್ನ ಕೊಲ್ಲುವೆ ಮತ್ತೆ ಪ್ರೀತಿಯ ವಿಷವ ಬಿತ್ತಿ
ಥೂ ಮತ್ತೆಂದು ಬರೆಬೇಡ 'ನೀ ಸುಟ್ಟ ಬರಡೆದೆಯಲ್ಲಿ'!

ಈ ಬರಡು ಮರದ ಎದೆಯೊಳಗೆ ಬಿದ್ದ ನಿನ್ನ ಪ್ರೀತಿಯ ಗೊರಲಿಯ ಮಣ್ಣೇ
ಈಗ ಇದರ ವಂಶದ ಕನಸಾಗಿರಬಹುದು ಎಂಬ ಆಶಯ,
ಬರವಸೆಯ ಕಣ್ಣಿನಿಂದ ಹುಡುಕ್ಕುತ್ತಿದೆ ಮತ್ತೊಂದು ಚಿಗುರೆದೆಯ
ಸಾಕಿನ್ನು ಸತ್ತ ನಿನ್ನ ಪ್ರೀತಿಯ ಪ್ರೇತಾತ್ಮಗಳು ಮತ್ತೆಂದು ಕಾಡದಿರಲಿ ನನ್ನ!!
ಹೋಗು ಹೊರಟು ಹೋಗು ಸಾಕಿನ್ನು ತಾಳೆನು
ಮಣ್ಣಾದ ನಿನ್ನ ನೆನಪುಗಳ ಗೋರಿಯ ಮೇಲೆ ಮತ್ತೆಂದು ನೆಡದಿರು ನಿನ್ನ ಪ್ರೀತಿಯ ವಿಷದ ಗಿಡವ!!