ಪುರಾತನ ಪಳಿ ಉಳಿಕೆಯಲ್ಲಿ ನನ್ನ ಕನ್ನಡ ನುಡಿ ,
ಇಂಡಸ್ ಕಣಿವೆಯಲ್ಲಿ ಉತ್ತುಂಗದ ಮಾರ್ನುಡಿ
ಆರ್ಯರ ತುಳಿತದಲಿ ಬಳಲಿದ ನನ್ನ ಕನ್ನಡ ನುಡಿ,
ಕರಿಸಿಮೇಯ ಬಯಲಲ್ಲಿ ಮತ್ತೆ ಚಿಗುರೊಡೆದು ಹೆಮ್ಮರವಾದ ನನ್ನ ಕನ್ನಡ ನುಡಿ
ನೂರಾರು ಕರಿತಲೆಯಲ್ಲಿ ತಲೆಯೆತ್ತಿ ವಿಜ್ರುಂಬಿಸಿದ ನನ್ನ ಕನ್ನಡ ನುಡಿ
ಕನ್ನಡ ತಲೆಗಳಲ್ಲಿ ತಲೆ ಎತ್ತಿದ್ದ ಸಾವಿರಾರು ಕಲೆ ಕೃತಿಗಳ ಹೊನ್ನುಡಿ
ಆಗಿಹೋದವು ಉತ್ತುಂಗದ ತಲೆಗಳ ಇತಿಹಾಸ
ಇಂದು ಬಂದಿದೆ ಪರ ತಲೆಗಳ ನಡುವೆ ಕನ್ನಡ ತಲೆ ತರಗೆಲೆ
ಆದರು ಮರೆತಿಲ್ಲ ನೀವೆಷ್ಟು ನಮಗೆ, ಆದರು ವಿಷಾದನೀಯ
ಮತ್ತೊಮ್ಮೆ ಮಂದಹಾಸ ಮೂಡುವದು ಎಂದು? ನುಡಿ ನನ್ನ ಕನ್ನಡ ನುಡಿ
ಮರೆಯಬೇಡ ಕರಿ ಮಣ್ಣಿನ ಕರಿತಲೇ ನುಡಿ ನಮ್ಮದು ಕನ್ನಡ ನುಡಿ
ನೀನು ಇಂದೆದ್ದರೆ ಜಗತ್ತಿಗೆ ಅಂದಿನ ನುಡಿ ಆಗುವದು ಇಂದಿನ ಹೊನ್ನುಡಿ
ನುಡಿ ಇದು ನಮ್ಮ ಕನ್ನಡ ನುಡಿ
No comments:
Post a Comment