ನನ್ನ ಹಾಡು

ಹಾಡೊಂದು ಬರೆಯಲು ಕುಳಿತೆ ಬರಿದಾದ ಮನವ ತೆರೆದಿಟ್ಟು
ಬರಿ ಕಲ್ಪನೆಗಳೇ ಇಲ್ಲಿ ಭಾವದ ಮಳೆ ಇನ್ನೆಲ್ಲಿ?

ಎಂದೋ ಕಂಡ ನಕ್ಷತ್ರದ ನೆನಪಿಲ್ಲ
ಅದರ ಬಾವಕೆ ತೊಯ್ದ ಮನಸ್ಸಿಲ್ಲ
ಎಲ್ಲವೂ ಕುರುಡು, ಕಾಲಿ ಕಲ್ಪನೆಗಳು ಮಾತ್ರ

ವಾಸ್ತವದ ಜಾಡು ಹಿಡಿದು , ಕನಸುಗಳನ್ನೆಲ್ಲ ಕಡಿದು !!
ಹೊರಟಿಹೆ ಕಾಣದೂರಿಗೆ , ಕಂಡ ಕಣ್ಣಿರಿದೆ ಜೊತೆಗೆ !!! ಹೆಸರು ಶಿವಾನಂದ್ ಉಸಿರು ಕನ್ನಡ

Shivanna Gundanavar

ಹೃದಯ ಬೇಕು

ನನಗೊಂದು ಹೃದಯಬೇಕು
ಮಧುರವಾದ ಪ್ರೀತಿಗೆ ನವಿರಾದ ಮನಸ್ಸಿನ ಮುಗ್ದವಾದ ಭಾವನೆಗಳ ಹೃದಯಬೇಕು ಗೆಳತಿ!

ಕಾರಿರುಳ ರಾತ್ರಿಯಲು, ಕಡುಬೆಂಕಿಯ ನೆರಳಿನಲು ಪ್ರೀತಿಗಾಗಿ ಜೀವ ಕಾಯಬೇಕು
ನನಗೊಂದು ಹೃದಯಬೇಕು ಗೆಳೆತಿ!

ಸಾವಿರ ಸಾಗರಗಳಾಚೆ, ನೂರು ಗಿರಿಗಳ ಮೇಲೆ
ನಮ್ಮ ಒಲುಮೆಯ ಮಂಟಪ ಕಟ್ಟಬೇಕು
ಅದರಲಿ ನನ್ನ ಕಲ್ಪನೆಯ ಕನಸುಗಳನ್ನಿಟ್ಟು ಪೂಜಿಸಬೇಕು
ಕೊನೆಗೆ ಒಂದು ದಿನ!!!
ನಿನ್ನ ಪ್ರೀತಿ ಸಿಕ್ಕ ಮೇಲೆ ನಾ ಸಾಯಬೇಕು!!
ನನ್ನ ನೆನಪುಗಳ ಜೊತೆ ಕನಸುಗಳು ನಿನ್ನ ಸೇರಬೇಕು!!!

ಕಾಣದ ಪ್ರೀತಿ

ಹೃದಯದ ವಿರಹದ ದಗೆಯಲಿ ನೋವೆಲ್ಲ ಕರಗಿ
ನಭಕ್ಕೆ ಜಿಗಿದಿದೆ
ತಿಳಿ ಮುಗಿಲಲಿ ಕರಿ ಕಾರ್ಮೇಡವಾಗಿ
ಗೆಳತಿಯ ಹುಡುಕಲು ಹೊರಟಿದೆ ಒಂಟಿಯಾಗಿ

ಒಂಟಿ ಮೋಡದ ಕಣ್ಣ ಹನಿಗಳು ಧರೆಗಿಳಿಯುತ್ತಿವೆ
ಕಾಣದ ಅವಳ ಪ್ರೀತಿಗೆ ಕಂಡ ಮೋಡದ ಕಣ್ಣೀರು ಹನಿಗಳೆ ಸಾಕ್ಷಿಯಾಗಿ ನಿಂತಿವೆ
!!!!  Shivanna Gundanavar

ಹೊಸ ಭಾವಗಳು

ಬನ್ನಿ ಭಾವಗಳೆ ಬನ್ನಿ ನನ್ನೆದೆಗೆ ತಂಪಾದ ಕನಸು ಎರಚಿ
ಬರುಡಾದ ಎದೆಯಲಿ ಹಸಿರು ಪ್ರೀತಿಯ ಗೆರೆಯನೂ ಗೀಚಿ!!

ನಿಲಿ ನಭದಲಿರುವ ಎಲೈ ಮೊಡಗಳೆ ಹೋಗದಿರಿ ಹಾಗೆ
ಹನಿಯಾಗಿ ಸುರಿಯರಿ ಬದುಕಿನ ಭಾವದ ಚಿಗುರಿನ ಮೇಲೆ!!

ಹಳೆಯ ಕನಸುಗಳು ಕೊಚ್ಚಿ ಹೋಗಲಿ ಹೋಸ ಮಳೆಯ ಹನಿಯಲಿ
ಬದುಕಿನ ದಾರಿಯಲಿ ಮತ್ತೆ ಹಳೆ ನೆನಪುಗಳು ಬರದಂತೆ ಕೊಚ್ಚಿ ಹೋಗಲಿ!!

ಹೊಸ ದಿಗಂತದ ಭಾನಿನಲಿ ತಿಳಿ ನೀಲಿ ಹೊಸಗನಸಲಿ
ಸವೆಯುವೆ ಕೊನೆವರೆಗೂ ಎಂದೂ ಮುಗಿಯದ ಹಾಡಿನಲಿ.!!!@ಶಿವಾನಂದ ಗುಂಡಾನವರ

Shivanna Gundanavar